AUTUMN

 O outono é unha estación moi fermosa cuns cambios e matices de cores naturais que invitan á calma pero tamén a disfrutar dos días cambiantes e inquedos.

Este curso fixemos diferentes actividades empregando recursos naturais. Estas pumpkins que vos mostramos, xunto coas brooms son só unha mostra.

Para a elaboración das pumpkins empregamos cartón sobrante de embalaxes e caixas (incluso de cereais do almorzo), pintura respetuosa co medio e prantas, flores e follas  da nosa contorna.

Agardamos que vos gusten.

Auxiliares de conversa

 Este curso contamos cunha persoa auxiliar de conversa chamada Akemi procedente de Filipinas.

Vai estar todo o curso no noso cole, unha nova que nos alegra moitísimo e esperamos aprender moito coa súa axuda.

Akemi é unha persoa excepcional que xa nos empezou a ensinar cousiñas do seu país de orixe e isto non fixo máis que comenzar.

Aquí tedes unha pequena mostra.

QUEEN ELIZABETH II

 Comezado este curso produciuse o falecemento da raíña Isabel II de Inglaterra. Na aula de lingua inglesa sempre adicamos tempo a falar de tradicións, aspectos culturais dos países de fala inglesa, historia, música, arte, etc.

A morte de Queen Elizabeth II marca un momento de gran importancia na historia do Reino Unido e os países da Commonwealth e, polo tanto, achegámonos á súa figura e coñecimos un pouco a súa traxectoria. 

Nas aulas de Arts&Crafts realizamos un collage con dibuxos representativos da familia real e as iconas máis asociadas a ela.

ROALD DAHL

 En sexto de primaria intentamos visualizar e describir como sería a nosa teacher ideal. Por suposto, había que deixar voar a imaxinación e intentar que se parecese o menos posible á famosa Trunchbull de Matilda 😉.

ROALD DAHL STORY DAY

 Cada mes de setembro temos unha cita obrigada con Roald Dahl, un dos autores máis queridos por lectores de todo o planeta.

Traballamos 'The Enormous Crocodile' co alumnado de primeiro, segundo e terceiro. En cada aula adecuado ao seu nivel. Nos dous primeiros cursos foi tema principal da aula de Arts durante o mes de setembro.

ARTS

 Updating the blog. 

Fai tempo que non publicamos os nosos traballiños por aquí así que é hora de darlle movemento a este blog.

Continuamos a ter aula de ARTS & CRAFTS para 1° e 2°. Así que imos estrenar as publicacións deste curso co alumnado que estrena etapa.

Limos 'The Dot' de Peter Reynolds. Un libro marabilloso para espertar a motivación de cara á aula de plástica. E traballando co punto fixemos estas artistadas. Agardamos que vos gusten.

BE SMART ONLINE: FAKE OR REAL?

 Rematamos este curso e queremos deixarvos por aquí os nosos traballiños relacionados co proxecto de Fake News.